ރައީސް ޞާލިޙުގެ ޒައާމަތުގައި ރާއްޖެއަށް ބޮޑެތި ކުރިއެރުންތަކެއް ހޯއްދެއްވި: އޮސްޓްރޭލިއާގެ ކުރީގެ ޚާރިޖީ ވަޒީރު
ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙުގެ ވެރިކަމުގައި ރާއްޖެއަށް އިޤްތިޞާދީ ގޮތުންނާއި އަދި އިޖްތިމާޢީ ގޮތުން ބޮޑެތި ކުރިއެރުންތަކެއް ހޯއްދެވިކަމަށް އޮސްޓްރޭލިއާގެ ކުރީގެ ޚާރިޖީ ވަޒީރު އެލެކްސެންޑާ ޑައުނާ ވިދާޅުވެއްޖެ އެވެ.
ޑައުނާ ކުރެއްވި ޓްވީޓެއްގައި ވިދާޅުވީ އޮސްޓްރޭލިއާގެ ކުރީގެ ފޮރިން މިނިސްޓަރެއްގެ ހައިސިއްޔަތުން ރައީސް ޞާލިޙު ހޯއްދަވާފައިވާ ކާމިޔާބީއާ މެދު އުފާކުރައްވާކަމަށާއި ރާއްޖޭގައި ރިޔާސީ އިންތިޚާބު ކުރިއަށް އޮތްއިރު، ރައީސް ޞާލިޙްގެ ޒަޢާމަތުގައި ލިބުނު ކުރިއެރުންތަކަށް ބަލާލުން މުހިންމުކަމަށެވެ.
އެގޮތުން، ޑިމޮކްރެޓިކް ވެރިކަމާއި ބައިނަލްއަޤްވާމީ އެއްބާރުލުން ދިނުމުގައި އެމަނިކުފާނު ވަނީ ސާބިތުކަން ދައްކަވާފައި ކަމަށާއި ކޮމަންވެލްތުގެ މެމްބަރު ގައުމަކަށް ރާއްޖެ އަނެއްކާވެސް ވުމަކީ އޭގެ ނަތީޖާ ކަމަށެވެ.
މީގެ އިތުރުން، ރާއްޖޭގައި މުވައްޒަފުންނަށް ލިބޭ އިނާޔަތްތައް ފާހަގަކުރައްވަމުން ޑައުނާ ވިދާޅުވީ ޓޫރިޒަމްގައި 10 ޕަސެންޓް ސާވިސް ޗާޖެއް ނަގަން ޖެހޭ ގޮތަށް މުވައްޒަފުންގެ މެދުގައި ހަމަހަމަކަން ޤާއިމުކުރުމުގެ ސަބަބުން އެ މުވައްޒަފުންގެ ދިރިއުޅުމުގެ ހާލަތު ކުރިއަށްވުރެ ރަނގަޅު ވެފައިވާކަމަށާއި އޮސްޓްރޭލިއާގެ މިނިމަމް ވޭޖުގެ އުސޫލާ އެއްގޮތަށް ރާއްޖޭގައި ވެސް މިނިމަން ވޭޖެއް ކަނޑައެޅުމަކީ އިޤްތިޞާދީ ހަމަހަމަކަން ޤާއިމްކުރުމަށް ކުރިއަށް އެޅުނު މުހިންމު ފިޔަވަޅެއް ކަމަށެވެ.
"މި ދެ ގައުމުގައި ވެސް ތައުލިމާށް ހާއްސަ އިސްކަމެއް ދޭ. ރާއްޖޭގައި މިހާރު ފުރަތަމަ ޑިގްރީއަށް ހިލޭ ކިޔެވޭ. މިއީ އިގުތިސާދީ ފުރުސަތުތައް ފުޅާކުރުމަށް ކުރެވޭ މުހިންމު ކަމެއް.. ޓީޗަރުންގެ މުސާރަ 56 ޕަސެންޓަށް ބޮޑުކޮށްފި. އަދި ރާއްޖެއަކީ ވިހެއުމުން އަންހެނުން ދޭ ހަ މަހުގެ ޗުއްޓީ އާއި ފިރިންނަށް ދޭ އެއް މަހުގެ ޗުއްޓީ ލިބޭ ހަމައެކަނި މުސްލިމް ގައުމު" ޑައުނާ ވިދާޅުވިއެވެ.
ހަމައެއާއެކު ރާއްޖެއަކީ އެހެން ޤައުމުތަކާއި އަޅާބަލާއިރު ނިސްބަތުން ކުޑަ ޤައުމަކަށް ވި ނަމަވެސް، މި 21 ވަނަ ގަރުނަށް ފެތޭ ގޮތަށް ރާއްޖޭގެ ގާނޫނާއި ގަވާއިދުތަކަށް ގެންނަ ހެޔޮ ބަދަލުތަކުގެ ސަބަބުން ބައިނަލްއަގުވާމީ މައިދާނުގައި ފާހަގަކޮށްލެވޭ ގައުމަކަށް ރާއްޖެ މިހާރު ވެފައިވާކަމަށާއި ކުރިއަށް އޮތް އިންތިޚާބުގައިގެ ވޯޓު ލާއިރު، ރާއްޖެއިން ހޯދާފައިވާ ކާމިޔާބީތަކަށް ބަލައި، އާންމުން ރަނގަޅު ނިންމުމެއް ނިންމަވާނެ ކަމަށް އުންމީދު ކުރައްވާ ކަމަށް ވެސް ޑައުނާގެގެ ޕޯސްޓުގައި ވިދާޅުވެފައިވެއެވެ.
ސީދާމީ އިންޓަކެންޕޭނަކީ
ސުބުހާނާﷲ މިއީ މިދުނިޔޭގައި ހުރި މީހެއްކަންވެސް ނޭގޭ ސާލިހު ކިޔަން އެނޭނެބާ