Saturday, 21 November 2026
Advertisement
STO — McCoy (leaderboard)
ރައްޔިތުންގެ މަޖިލިސް

އިސްރާއީލް ޕާސްޕޯޓުގައި ރާއްޖެ އެތެރެވުން މަނާ ކުރުމަށް އިމިގްރޭޝަން ޤާނޫނަށް އިސްލާހެއް ހުށަހަޅައިފި

އިސްރާއީލް ޕާސްޕޯޓުގައި ރާއްޖެ އެތެރެވުން މަނާ ކުރުމަށް އިމިގްރޭޝަން ޤާނޫނަށް އިސްލާހެއް ހުށަހަޅައިފި

އިސްރާއީލް ޕާސްޕޯޓުގައި ރާއްޖެ އެތެރެނުވެވޭ ގޮތް ހެދުމަށް އިމިގްރޭޝަން ޤާނޫނަށް އިސްލާހެއް ހުށަހަޅައިފި އެވެ.

ރައްޔިތުންގެ މަޖިލީހަށް މި ބިލް ހުށަހެޅުއްވީ އަމިއްލަ މެންބަރެއްގެ ގޮތުގައި ހުންނެވި ނޮޅިވަރަމު ދާއިރާގެ މެންބަރު މުހައްމަދު ނަޝީދު (މޮސްޓާ) އެވެ.

އެގޮތުން ނަޝީދު އިސްލާހު ހުށަހަޅުއްވާފައި ވަނީ "އިޒްރޭލުގެ ޕާސްޕޯޓްގައި ރާއްޖެ އެތެރެވާ މީހުން" އެތެރެވުން މަނާ ކުރުމަށެވެ.

Advertisement
Ooredoo — Truecaller (box)

މިކަން ހާމަކޮށް އެކްސްގައި ކުރެއްވި ޕޯސްޓެއްގައި ނަޝީދު ވިދާޅުވީ އިސްރާއީލު މީހުން ރާއްޖެ އެތެރެނުވެވޭނެ ބިލެއް މަޖިލީހަށް ހުށަހަޅައިފައިވާ ކަމަށެވެ.

ހަމަ އެހެންމެ ހުރިހާ ދާއިރާއެއްގެ އާއްމު ރައްޔިތުން އެ ދާއިރާގެ މެންބަރު އަރިހުގައި މި ބިލަށް ތާއީދުކޮށް ދެއްވުމަށް އެދިވަޑައި ގަތުމަށް ނަޝީދު ވަނީ ވިދާޅުވެފައެވެ.

ނަޝީދު ވިދާޅުވީ މި ބިލް ހުށަހެޅުމުގެ ބޭނުމަކީ އިސްރާއީލުން ހިންގަމުން އަންނަ ލާއިންސާނީ ޖަރީމާތަކަށް މަހަކަށްވުރެ ގިނަ ދުވަސްވެފައި ވާއިރު އެކަން ކުށްވެރިކޮށް ހުއްޓުވުމަށާއި އަދި އޯގަނައިޒޭޝަންސް ފޯ އިސްލާމިކް ކޯޕަރޭޝަންގެ ޤައުމުތަކުން އިސްރާއީލުގެ ޕާސްޕޯޓުގައި އަންނަ ފަރާތްތަކަށް ފިޔަވަޅު އަޅާފައިވާތީ ރާއްޖެއިންވެސް އެ ޤައުމުތައް ނަމޫނާއަކަށް ދެކި އިސްރާއީލް ރައްޔިތުން ރާއްޖެ އެތެރެވުން މަނާކުރުމަށް އިމްގްރޭޝަން ޤާނޫނަށް އިސްލާހް ގެނައުން ކަމަށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.