ޑީއާރްޕީގެ ރިޔާސީ ޓިކެޓް ޖާބިރަށް, ރަނިންމޭޓަކަށް އަންހެން ބޭފުޅެއް

ދިވެހި ރައްޔިތުންގެ ޕާޓީ (ޑީއާރްޕީ) ގެ ރިޔާސީ ޓިކެޓް އެ ޕާޓީގެ ލީޑަރު ކާށިދޫ ދާއިރާގެ މެންބަރު ޢަބްދުﷲ ޖާބިރަށް ދޭން އެ ޕާޓީގެ ކައުންސިލުން ނިންމައިފިއެވެ.

Ads by MWSC

އެ ގޮތަށް ނިންމީ އިއްޔެ ފުވައްމުލަކު ސިޓީގައި ބޭއްވި ޑީއާރްޕީގެ ަކައުންސިލުގެ ޚާއްސަ ބައްދަލުވުމުގައެވެ. ޖާބިރު ވަނީ ރިޔާސީ ޓިކެޓް ދޭން ނިންމި ނިންމުން ގަބޫލުކުރައްވައިފައެވެ.

ޖާބިރާ ހަވާލާދީ ވަގުތުގައި ބުނެފައިވަނީ އިންތިޚާބުގައި އޭނާގެ ރަނިންމޭޓަކީ އަންހެން ބޭފުޅެއް ކަމަށާއި, އެކަން ވަރަށް އަވަހަށް އިއުލާނު ކުރައްވާނެ ކަމަށް ޖާބިރު ވިދާޅުވެފައިވާ ކަމަށެވެ.

ޖާބިރު ވިދާޅުވީ މިހާރު ކެބިނެޓް ވެސް އެކުލަވާލައިފައިވާ ކަމަށެވެ. އަދި ކެމްޕޭން ވެސް މިހާރު ވަނީ ފަށްޓަވާފައެވެ.