ރިޔާސީ އިންތިޙާބު:އިލެކްޝަނާ އެކު މަސައްކަތްކުރަން ފަސް މުއައްސަސާއަކުން ސޮއިކޮށްފި
އަންނަ ސެޕްޓެމްބަރު މަހު ބޭއްވުމަށް ހަމަޖެހިފައިވާ ރިިޔާސީ އިންތިހާބުގެ ކަންކަމުގައި އެކުގައި މަސައްކަތް ކުރުމަށް އިލެކްޝަންސް ކޮމިޝަނާއި ފަސް މުއައްސަސާއަކާ ދެމެދު ސޮއިކޮށްފިއެވެ.
އިލެކްޝަން ކޮމިޝަނުން މައުލޫމާތު ދެއްވިގޮތުގައި އެކުގައި މަސައްކަތް ކުރުމަށް ސޮއިކުރި މުއައްސަސާތަކުގެ ތެރޭގައި ހިިމެނެނީީ ދިވެހި ފުލުހުންގެ ޚިދުމަތާއި ސިވިލް ސާވިސަސް ކޮމިޝަނާއި، ޑިޕާޓަމްންޓް އޮފް ނެޝަނަލް ރަޖިސްޓްރޭޝަނާއި، މޯލްޑިވްސް ޕޯސްޓް ލިމިޓެޑާއި ލޯކަލް ގަވަމަންޓް އޮތޯރިޓީއެވެ.
މި އެއްބަސްވުން ތަކުގައި ސޮއިކުރެއްވީ ފުލުހުންގެ ޚިދުމަތުގެ ފަރާތުން ފުލުސް ކޮމިޝަނަރު މުހައްމަދު ހަމީދާއި ސިވިލް ސާވިސް ކޮމިޝަންގެ ރައީސް މުހައްމަދު ނާސިހާއި، ޑިޕާޓްމަންޓް އޮފް ނެޝަނަލް ރަޖިސްޓްރޭޝަންގެ ފަރާތުން އެ ތަން ހިންގެވުމާ ހަވާލުވެ ހުންނެވި ޕްލޭނިން މިނިސްޓްރީގެ ޑެޕިއުޓީ މިނިސްޓަރު އައިޝަތު ރަޝީދާއެވެ. އަދި މީގެ އިތުރުން މޯލްޑިވްސް ޕޯސްޓް ލިމިޓެޑްގެ ފަރާތުން މެނޭޖިން ޑިރެކްޓަރު އާދަމް މުހައްމަދާއި އެލްޖީއޭގެ ޑިރެކްޓަރު ޝައްމޫން އާދިލެވެ.
އަންނަ ރިިިިޔާސީި އިންތިޙާބަށްޓަކައި އިލެކްޝަން ކޮމިޝަނުން ދަނީ ތައްޔާރުވަމުންނެވެ. އަދި ސިޔާސީ ޕާޓީތަކުންވެސް ދަނީ ފޯރިއާއެކު ތައްޔާރުވަމުންކަން ފާހަގަކޮށްލެވެއެވެ.
ކުރީފަހަރުގަވެސް ވައްކަމުގައިބައިވެރިވި ހަބިބު އިސްސަފުގައި ޗޯރުނާއި ވާނީ ހަމަ ޗޯރުން