ޤާސިމްގެ އަމިއްލަ ޚަރަދުގައި ޤައުމަށް ކޮށްދެއްވާފައިވާ ކަންތައްތަކުގެ ވާހަކަ ދެއްކުމަކީ ކަލަ ގޮވުމެއް ނޫން: އަމީން
ރައްޔިތުންގެ ފައިސާއިން ޚަރަދުކޮށްގެން މަޝްރޫޢުތައް ހިންގައި، އެވާހަކަތައް ދައްކާއިރު އެއީ ކަލަ ގޮވުމަށް ނުވާނަމަ، ޖުމްހޫރީ ޕާޓީ (ޖޭޕީ) ގެ ރިޔާސީ ކެނޑިޑޭޓް ޤާސިމް އިބްރާހީމްގެ އަމިއްލަ ޚަރަދުގައި ރާއްޖެއަށާއި ރައްޔިތުންނަށް ކޮށްދެއްވާފައި ހުރި ކަންތައްތަކުގެ ވާހަކަ ދެއްކުމަކީ ކަލަ ގޮވުމަކަށް ނުވާނެކަމަށް ޤާސިމްގެ ރަނިންމޭޓް ޑރ. އަމީން އިބްރާހީމް ވިދާޅުވެއްޖެއެވެ.
އަމީން މިހެން ވިދާޅުވީ އެޕާޓީން އައްޑޫ ސިޓީ ހިތަދޫގައި ބޭއްވި ޖަލްސާގައި ވާހަކަ ދައްކަވަމުންނެވެ.
އަމީން ވަނީ ސަރުކާރުގެ ކުންފުޏެއްކަމުގައިވާ ފެނަކަ އުފައްދާފައި ހުރީ ފައިދާ ހޯދުމުގެ ބޭނުމުގައި ނޫންކަމަށް ވިދާޅުވި ބޭފުޅަކަށް ވެރިކަން ދިނުމަކީ އެންމެ ރަނގަޅު ގޮތްތޯ ސުވާލު ކުރައްވާފައެވެ. އަމީން ވިދާޅުވީ ފެނަކަ އުފައްދާފައި ހުރީ ރައްޔިތުން ދަރުވާލުމުގެ ބޭނުމުގައި ނޫންކަމަށެވެ. އަދި އެއީ ރައްޔިތުންގެ ފައިސާއިން، ރައްޔިތުންނަށް ފައިދާވާނެ ކުންފުންޏެއްގެ ގޮތުގައި ހިންގުމުގެ ބޭނުމުގައި އުފައްދާފައިވާ ކުންފުންޏެއް ކަމަށް އަމީން ވިދާޅުވިއެވެ.
"ރައްޔިތުންގެ ފައިސާއިން އުފައްދާފަ ހުރި ކުންފުންޏެއް ނަމަ، ރައްޔިތުންގެ ޖީބަށް ފައިސާ ވަންނަން ޖެހޭ، ރައްޔިތުންނަށް އެއިން ހިތްހަމަޖެހުން ލިބެން ޖެހޭނެ، ރައްޔިތުންނަށް އެއިން ދަރަންޏެއް ބޮލުގައި އެޅި ދުނިޔޭގައި ވަގުތު ހޭދަ ކުރުމުގެ ފުރުސަތު ދީގެންނުވާނެ، މިޤައުމީ ވާޖިބު އަދާނުކުރެވޭ ވެރިއަކަށް އެއްވެސް ހާލަތެއްގަ ވޯޓުދީގެން ނުވާނެ" އަމީން ވިދާޅުވިއެވެ.
އަމީން ވަނީ ހިލޭ އެހީގެ ގޮތުގައި ޤާސިމް 600 މިލިއަން ޑޮލަރު ހޯއްދަވާނެކަމަށް ވިދާޅުވެފައެވެ.
އަމީން ވިދާޅުވީ ރައްޔިތުންނަކީ އަބަދުވެސް ތަރައްޤީ ބޭނުންވާނެ ބައެއްކަމަށާއި، ކުރިން ވެރިކަމަށް އައި ސަރުކާރުތަކުން އައްޑޫ ރައްޔިތުން ބޭނުންކޮށްފައިވަނީ ހަމަ އެކަނި ވޯޓުގެ ހަތިޔާރަކަށް ކަމަށެވެ. އަދި ފާއިތުވި ފަނަރަ އަހަރުގެ ތެރޭގައި އައްޑޫ ސިޓީއަށް ތަރައްޤީ ގެނެވިފައިނުވާކަމަށް ފާހަގަކުރައްވައި އަމީން ވިދާޅުވީ އައްޑޫ ރައްޔިތުން ތިބީ ދަންތުރައެއްގައި ޖައްސާފައިކަމަށެވެ.
އަމީން ތިޔަދައްކަނީ ރަނގަޅު ވާހަކައެއްނޫން .ވޯލްޑްބޭންކުން 35 މިލިއންޑޮލަރު ދަވްލަތުގެ ގެރެންޓީއަށް ގާސިމަށް ދަވްލަތުންހޯދާދިމުމަށް ވޯލްޑެންކަށް ހުށަހެޅި ޕްރޮޕޯސަލް ގައިވާކަންކަން ކުރުމަކީ ގާސިމް ކޮށްދިނަކަންކަން ކަމަށް ގޮވުމަކީ ރައޔިތުންނަށް އޮޅުވާލުން. ރައޔިތުންނަށް އެކަންނޯޅޭ.އަމީނަށްހަރަދުކުރި ފައިސާ ހިލޭ ކުރަން ވަހަކަ ދެއްކިޔަސް އެހެން މީހުނަށް ގާސިމާ ހުރެ ލިބުނީ ގެއްލުން ،އެއީ 2008 ގަ ސައްހަނޫން ކެންޑިށޭޓަކު ކަމުގައިވާ ނަސީދު ވެރިކަމަށް ގެނެސްގެން ގައުމުގެ ދުވަސް ދުއްވާލުމުގެ ޒިންމާ ގާސިމް ނަގަންޖެހޭނެތީ.