ރައީސް ނަޝީދު ޖެންގައި ހުންނެވުމަށް ދައުލަތުން 7 ލައްކައާ ގާތް ކުރާ އަދަދަކަށް ހަރަދުކޮށްފި
ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ހޮޓެލް ޖެންގައި ހުންނެވުމަށް ދައުލަތުން 7 ލައްކައާ ގާތް ކުރާ އަދަދަކަށް ހަރަދު ކޮށްފިކަމަށް މައުލޫމާތު ލިބިއްޖެއެވެ.
އޮންލައިން ނޫސް "މިހާރު"އާ ފިނޭންސް މިނިސްޓްރީން ހިއްސާ ކުރި މައުލޫމާތުގައިވާ ގޮތުގައި ޖެންގައި ރަައީސް ނަޝީދު ހޭދަކޮށްފައިވާ 21 ދުވަހު (ތިން ހަފުތާ)ގައި މިހާތަނަށް 698،168 ރުފިޔާ ވަނީ ހަރަދުވެފައެވެ. މިއީ ބޭސްފަރުވާއަށް ފަހު އެމަނިކުފާނު ރާއްޖެއިން ބޭރުން ވަޑައިގެންނެވި ފަހުން މިހައިތަނަށް ހިނގައިފައިވާ ހަރަދެވެ.
ރައީސް ނަޝީދު ހޮޓެލް ޖެންގައި ހުންނަވާ ގޮތަށް ދައުލަތުން ހަމަޖައްސައިފައި ވަނީ، އެމަނިކުފާނު އަވަހާރަ ކޮށްލަން މި އަހަރުގެ މެއި މަހުގެ 6ވަނަ ދުވަހުގެ ރޭ ދިން ހަމަލާއާ ގުޅިގެން ސަލާމަތީ ސަބަބުތަކަށް ޓަކައެވެ.
މި ހަމަލާއާ ގުޅިގެން ބޭސް ފަރުވާއަށް ރާއްޖެއިން ބޭރަށް ވަޑައިގަތުމަށް ފަހު، ރައީސް ނަޝީދު އެނބުރި ރާއްޖެ ވަޑައިގެންނެވީ މިދިޔަ މަހުގައެވެ.
ފިނޭންސް މިނިސްޓްރީން ހިއްސާ ކޮށްފައިވާ މައުލޫމާތުތަކުގައިވާ ގޮތުން ރައީސް ނަޝީދަށް ދިން ހަމަލައިގައި ލިބުނު ޒަހަމްތަކަށް ރާއްޖެއިން ބޭރުން ފަރުވާ ހޯއްދެވުމަށް ވެސް 1.6 މިލިއަން ރުފިޔާ ހޭދަވެފައިވެއެވެ. އެއީ އިނގިރޭސިވިލާތުގައި ހުންނެވި އިރު ފަރުވާއަށް ހޭދަވި 1.5 މިލިއަން ރުފިޔާއާއި ޖަރުމަން ވިލާތުން ފަރުވާއަށް ހޭދަވި 164،601 ރުފިޔާއެވެ.
ރައްޔިތުންގެ މަޖިލީހުގެ ރައީސަށް ވާތީ ޖެންގައި ހުންނެވުމުގެ ހަރަދު ހަމަޖައްސަން ޖެހޭނީ ރައްޔިތުންގެ މަޖިލީހުންނެވެ. އެކަމަކު ބޭސްފަރުވާއާއި މާލޭގައި ހުންނެވުމުގެ ހަރަދު މިހާރު ކުރަނީ ފިނޭންސް މިނިސްޓްރީގެ ބަޖެޓުންނެވެ.
ޜައްޔިތުންް ބަޑަށް
އަދިވެސް ތިޔަބުނީ ރަނގަޅަކަށް ނޫން. ފަހަރެއްގައި ވެދާނެ ތިޔައީ އޭނާގެ ކޮޓަރި ޚަރަދަށް. އަދި ކޮބާ އޭނާގެ ކެއުމާއި، ތިރީ ފްލޯ ޢާއި މަތީ ފްލޯގެ ޚަރަދާއި އެތަންތަނަށް އަޅާލާފައިވާ ސިފައިންގެ ހުރުމާ ކެއުމުގެ ޚަރަދުތައް؟ މިސަރުކާރުން ތެދަށް އެކަތިވެސް ނުބުނާނެ!!! އަހަރުމެންގެ ޓެކްސް ފައިސާ ތިމީހާއަށް ދީ ހުސްކޮށްލާ!!!
ރައީސް މައުުމޫނާއި ރައީސްޔާާމީނަށް ކުރަން ޖެހުނު ޚަރަދު ބޮޑުވެގެން އުޅުނު މީހުން މިހާރު ކޮބާ؟