ރައީސް ހިތުގައި ޖައްސައިގެން ލިބޭނެ މޮޅެއް ނެތް: ގާސިމް
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ހިތުގައި ޖައްސައިގެން ލިބޭނެ މޮޅެއް ނޯންނާނެ ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ގާސިމް މިފަދައިން ވިދާޅުވީ ކޮމަންޑޫ ދާއިރާގެ ބައި އިލެކްޝަންގައި ވާދަކުރައްވާ އެމްޑީޕީގެ ކެނޑިޑޭޓް މުހައްމަދު ރާޝިދުގެ ކެމްޕެއިނަށް އެ ދާއިރާގައި ހިމެނޭ މަރޮއްޓަށް މިއަދު ވަޑައިގެން އެރަށު ރައްޔިތުންނާ ބައްދަލުކުރައްވައި ދެއްކެވި ވާހަކަފުޅުގައެވެ.
ގާސިމް ވިދާޅުވީ އެދާއިރާއަށް ތަރައްގީ ގެނެވޭނީ އެމްޑީޕީގެ ކެނޑިޑޭޓް މުހައްމަދު ރާޝިދު އިންތިޚާބުކޮށްގެން ކަމަށެވެ. އަދި އެމްޑީޕީގެ ކެންޑިޑޭޓަކު އެދާއިރާއަށް ނުހޮވިއްޖެ ނަމަ، ކޯލިޝަން އެހެން ލީޑަރުން ވެސް ލަދު ގަންނަން ޖެހޭ ކަމަށް ގާސިމް ވިދާޅުވިއެވެ.
“މިއަދު އެމްޑީޕީގެ ކެންޑިޑޭޓް ނުހޮވިއްޖެ ނަމަ ސަރުކާރުގައި ހުންނަ ވެރިއަކު ލަދުގަންނަން އެބަޖެހޭ، އަޅުގަނޑު ވެސް ލަދުގަނޭ. އެއީ އަޅުގަނޑުމެން ވެސް ކޯލިޝަން އޮތީމަ. މި ދާއިރާއަށް ތަރައްގީ ގެނެވޭނީ އެމްޑީޕީގެ ކެނޑިޑޭޓު އިންތިޚާބުކޮށްގެން” ގާސިމް ވިދާޅުވިއެވެ.
މީގެ އިތުރުން ގާސިމް ވިދާޅުވީ ރައީސް އަދި ވެރިކަން ކުރަން އޮތް މައި ޕާޓީ، އެމްޑީޕީ ހިތުޖައްސައިލައިފައި އެހެން ޕާޓީއެއްގެ ކެނޑިޑޭޓެއް ހޮވައިގެން އެކަމުން ލިބޭނެ މޮޅެއް، މަންފާއެއް ވެސް ނެތް ކަމަށާއި އެހެން ކެނޑިޑޭޓުންނަށް ކޮށްދެވޭނެ ކަމެއް ވެސް ނޯންނާނެ ކަމަށެވެ.
ކޮމަންޑޫ ދާއިރާގެ ކެމްޕެއިނަށް ގާސިމް އެ ދާއިރާގެ ތިން ރަށަށް ވެސް ވަޑައިގަންނަވާނެ ކަމަށް މައުލޫމާތު ލިބިފައި ވެއެވެ. މީގެ ކުރިން ރައީސް ޞާލިޙް ވެސް ވަނީ އެދާއިރާގެ ކޮމަންޑޫއަށް ވަޑައިގެން ކެމްޕެއިން ޖަލްސާއެއް ބާއްވަވައިފައެވެ. އަދި އޭގެފަހުން މަޖިލިސް ރައީސް މުހައްމަދު ނަޝީދާއި، ފޮރިން މިނިސްޓަރ އަބްދުﷲ ޝާހިދާއި ޑިފެންސް މިނިސްޓަރ މާރިޔާ އަހުމަދު ދީދީ އަދި ނާއިބު ރައީސް ފައިސަލް ނަސީމް ވެސް ވަނީ އެ ދާއިރާއަށް ވަޑައިގަންނަވައިފައެވެ.
ގާސިމް ކޮމަންޑޫ ދާއިރާއަށް ވަޑައިގެންނެވިއިރު، އެމަނިކުފާނުގެ އަރިހުގައި ޖުމްހޫރީ ޕާޓީގެ އިސް ބޭފުޅުންނާއި ސަރުކާރު އެކި މަޤާމުތަކުގައި ތިއްބެވި ޖުމްހޫރީ ޕާޓީގެ މެމްބަރުން ބައިވެރިވެވަޑައިގަންނެވިއެވެ.
ތިގޮވަނީ އަމިއްލައެދުމުގެ ގޮވިލިފަތި
ރައީސް ހިތުގަ ނުޖައްސާން ވެގެން ދެން ރައްޔިތުން ވީ ހިތުގަ ޖެހިޖެހި ނިކަމެތި ކަމުގައި ތިބެންތަ….؟ ބަލަގަ ގާސިމު ހަމަ ރަށެކޭ ބުނާއިރަށް ރަށެއް، ފަޅެކޭ ބުނާއިރަށް ފަޅެއް، ފަރެކޭ ބުނާއިރަށް ފަރެއް، ބަދަލުގެ ގޮތުގައި މިލިއަނުން ބިލިއަނުން ރުފިޔާއޭ ބުނާއިރަށް (ސޯލިހުގެ ތަރިކަ މުދާ ވީމާ) ގާސިމަށް ދިނެއްކަމަކު ރައްޔިތުން ތިބީ އެއްވެސް ފަދައެއް ނެތި ބިކަ ވެފައި ކަމެއް ގާސިމަކަށް ނޭނގޭބާ…..؟