ވެވުނީ ލޯތްބޭ ޔާރު ހުވާ (ޓްރެއިލާ)
▾ މި ވާހަކައިގެ ޢަދަދުތައް
އަހަރުތަކެއް ކުރީގެ ހާދިސާއެކެވެ. އިންސާނީ ހުދޫދުގެ ބޭރުން ހިނގައިދިޔަ އެ ހާދިސާގެ ސަބަބުން އަނިޔާ ލިބެމުން ދިޔައީ ކުށެއް ނެތް މައުސޫމު އަންހެން ކުއްޖަކަށެވެ. ނަމަވެސް އެކަން ރަނގަޅު ކުރުމަށް ޓަކައި އަންނަ އާދަޔާ ޚިލާފު ޒުވާނާގެ ސަބަބުން ހުރިހާ ކަމެއް ބަދަލުވެދާނެ ބާއެވެ؟.. އެ އަންހެން ކުއްޖާއަށް ޓަކައި ކޮންމެ ފަދަ ޤުރުބާނީއެއް ވާން ތައްޔާރަށް ހުންނަ އެ ޒުވާނާގެ ހަޤީޤަތަކީ ކޮބައި ހެއްޔެވެ؟...
ބައްޕަގެ ފަރާތުން ލިބެމުން ދާ އަނިޔާތަކުގެ ސަބަބުން ދުނިޔެއަކީ ސާޔާއަށް އަނިޔާވެރި ތަނެކެވެ. ނަމަވެސް ސާޔާގެ އެ ނިންމުން ބަދަލުކުރުމަށް މަޖުބޫރު ވެއެވެ. އެއީ ކީއްވެ ހެއްޔެވެ؟...
ލިބެމުން ދިޔަ އަނިޔާތަކުން ސަލާމަތް ވުމަށް ސާޔާ އިޚްތިޔާރު ކުރަން ޖެހެނީ އުނދަގޫ ރާސްތާއެކެވެ. ކުއްލިއަކަށް ދިރިއުޅުން ބަދަލު ކުރަން ޖެހުނީ ނުވެސް ދަންނަ ބައެއް ގާތަށެވެ. ނަމަވެސް އެމީހުންގެ ތެރޭގައި އުޅެން ފެށުމުން ސާޔާއަށް އޭނާގެ ހަޤީޤަތް ދަސްވެއެވެ. އެ ހުރިހާ ދުވަހު އޭނާއަށް އެކަން ނޭނގި ސިއްރެއްގެ އޮތީގައި ކީއްވެ ހެއްޔެވެ؟
އާއިލާގެ ހައްޤުގައި އެތައް ބައެއްގެ ޒުވާން ލޯބި ދިޔައީ ޤުރުބާން ކުރަމުންނެވެ. ނަމަވެސް އެކަން އެންމެންގެ ލޯ މައްޗަށް ކަޝްފުވެއެވެ. ހީ ވެސް ނުކުރާ ފަދަ ގޮތަކަށެވެ. އެތައް އަހަރެއް ކުރިން ފަސްއަޅައި ފޮރުވިފައިވާ މާޒީ އެ ކުދިންގެ ކުރިމަތީގައި ހާމަކުރަން މަޖުބޫރު ވެއެވެ. އެއީ ކީއްވެ ހެއްޔެވެ؟...
ލިއަމްއަށް ޓަކައި ސާޔާގެ ހުރިހާ ވަގުތެއް ހުސްކުރަން ޖެހުނެވެ. ލިއަމް ދެކެ ލޯބި ވާން ބޭނުން ނުވިޔަސް ސާޔާގެ އިޚްތިޔާރުން ބޭރުން އެކަން ހިނގައިދެއެވެ. އެހެން ނަމަވެސް ލިއަމްގެ ލޯބި ދުވަހަކު ވެސް އޭނާއަށް ލިބޭނެ ހެއްޔެވެ؟.. އަލާރާގެ ހަޤީޤަތް އެނގުމުން ސާޔާގެ ހިތަށް ކެތްވާނެ ހެއްޔެވެ؟.. އަދިވެސް ލިއަމްގެ ލޯބި އޭނާ ބޭނުން ވާނެ ހެއްޔެވެ؟.. ލިއަމްގެ ހިތުގައި ސާޔާއަށް އޮތް ނަފްރަތުގެ ބަދަލުގައި ލޯބި އެ ހިތުގައި އުފެދެން އަދިވެސް ސާޔާ އެދޭނެ ހެއްޔެވެ؟...
މި ހުރިހާ ސުވާލުތަކެއްގެ ޖަވާބައި އަދިވެސް ފޮރުވިފައިވާ އެތައް ހަޤީޤަތަކާއި، ކަރުނައާއި، ހިނިތުންވުމާއި، ހިތްދަތިކަމާއި، އުފާވެރި ކަމާއެކު ކިޔުންތެރިންނާ ހަމައަށް އަންނަނީ.... ، " ވެވުނީ ލޯތްބޭ ޔާރު ހުވާ...."އެވެ.
އެޑިޓަރުގެ ނޯޓް: މާސާއަކީ ކުރިއަރަމުން އަންނަ ، ގިނަ ބައެއްގެ ތަރުހީބު ހޯދައިފައިވާ ފަންނުވެރި ވާހަކަ ލިޔުންތެރިއެކެވެ. މާސާގެ ފުރަތަމަ ވާހަކަ،"ނޭނގި ހިތޭ ގެންދެވީމަ ލޯބިން" ވަނީ ވަރަށް ގިނަ ބަޔަކަށް ކަމުގޮސްފައެވެ. އެ ވާހަކައާ އެކު މާސާގެ ވާހަކައަކަށް އިންތިޒާރު ކުރާ މީހުންގެ އިންތިޒާރަށް މާދަމާ ނިމުން އަންނާނެއެވެ. "ވެވުނީ ލޯތްބޭ ޔާރު ހުވާ " މިވާހަކަ ގެނެސްދޭނީ ކޮންމެ އާދިއްތަ، އަންގާރަ އަދި ބުރާސްފަތި ދުވަހުއެވެ.
ހަމަ އިންތިޒާެރުގަ
ކާންޓް ވެއިޓް
ޚަލޮގަޔަަަހ