ވެވުނީ ލޯތްބޭ ޔާރު ހުވާ (އެއްތިރީސްވަނަ ބައި)
▾ މި ވާހަކައިގެ ޢަދަދުތައް
" ވިލް ޔޫ ފޮރގިވް މީ ޕްލީޒް..".. ސާޔާގެ ކޯތާފަތުގައި މަޑުމަޑުން އަތް ޖައްސާލަމުން ލިއަމް ބުނެލިއެވެ.
************************
ލިއަމްގެ އެ ބީހުމުން ސާޔާއަށް އުނދަގޫވިއެވެ. މަޑުމަޑުން އޭނާ ފަހަތަށް ޖެހިލީ އެހެންވެއެވެ. ނުތަނަވަސްވެފައި ހުރެ ސާޔާ ކަންފަތަށް ޖަހާފައި ހުރި ހެޑްސެޓް ނައްޓާލުމަށްފަހު މުށު ތެރޭގައި ބޮނޑި ކޮށްލިއެވެ. ލިއަމް އެހާ ކައިރީގައި ހުރުމުން ސާޔާ އަށް އުނދަގޫ ވަނީއެވެ. ބިރުގަނެ ޖެހިލުންވަނީއެވެ.
" އައި ނޯ އަ ހެވް ހަރޓް ޔޫ މޯރ ދެން އިނަފް.. އެކަމަކު އަހަރެން އެކަމަށް މާފަށް އެދެން.. މާފަށް އެދުނަސް އެނގޭ ސާޔޫ އަށް ކުރެވުނު އަނިޔާތަކުގެ ބަދަލު ނުދެވޭނެކަން".. ލިއަމްގެ އަޑުގައިވީ މޮޅިވެރިކަމެވެ.
" ނޫން.. އިޓްސް އޯކޭ.. އަހަންނަށް އެނގޭ ލިއަމް ރަނގަޅު ވާން ދުވަސް ބޭނުންވާނެކަން.. އަހަރެންގެ ސޫރަ ފެނުމުން ލިއަމް އަށް އުނދަގޫ ވާކަން އެނގޭ.. އެންޑް އައި އެމް ސޮރީ އެބައުޓް އިޓް.. އަހަރެންގެ ސިފަ އަކީ އަހަރެން އަމިއްލަ އަށް ހޯދި އެއްޗެއް ނޫން..." ސާޔާ މަޑުމަޑުން ލިއަމްގެ އަތް ނައްޓުވާލިއެވެ.
" ޔޫ އަރ ދި މޮސްޓް ބިއުޓިފުލް ގަރލް އައި ހެވް ސީން..".. ލިއަމް ބުނެލީ ހިނިތުންވުމަކާއި އެކުގައެވެ.
ސާޔާގެ އެ އާދަޔާ ޚިލާފު ރީތިކަމުގެ ސިއްރު މިހާރު ޤަބޫލު ކުރަން ލިއަމް އަށް އުނދަގުލެއް ނޫނެވެ. އެއީ ކިހިނެތް ވާރުތަކުރި ސިފަތަކެއް ކަން ލިއަމް އަށް އެނގިއްޖެއެވެ. ތަޤުދީރުގެ ސަމާސާއިން އޭނާ ހައިރާންވި ނަމަވެސް އުފާވެއެެވެ.
ސާޔާގެ ހިތުގައި ވެސް އޭނާއަށް އިހްސާސްތަކެއް ވާކަން ލިއަމް އަށް އެނގެއެވެ. ކޯމާގައި އޮތް އިރު ސާޔާ އޭނާއާ މެދު ބެހެއްޓި ގާތްކަން އޭނާ ހަނދާނެއް ނުނެތެއެވެ. އެއީ ހަމައެކަނި އޯގާތެރިކަން ނޫންކަން ލިއަމް އަށް ޔަޤީނެވެ. ސާޔާއަށް އެއް ލޯ މަރާލުމަށްފަހު ލިއަމް އަވަސް އަވަހަށް ގެއިން ނުކުންނަށް އުޅުނެވެ. ނަމަވެސް އޭނާއަށް ސާޔާ ކުރިން ކުރަން އިން މަސައްކަތް ފެނުމުން ފިޔަވަޅުތައް މަޑު ޖައްސާލިއެވެ.
" އޮހް.. ޔޫ ޑަމްބް..".. މޭޒުމަތީގައި އޮތް ކަޅު ކުލައިގެ ހެއަރ ކަލަރ ޕެކެޓް ނަގަމުން ލިއަމް އެނބުރި ބަލާލިއެވެ. އޭރު އެ ތުންފަތުގައިވީ ލާނެތް ހިނިތުންވުމެކެވެ. ބާރު ހިނގުމެއްގައި އައިސް ސާޔާ ލިއަމް އަތުން އޭތި ޖަހައިގަތެވެ. އެއާއެކު ލިއަމް ހޭން ފެށުމުން ސާޔާ ރަކިވިއެވެ.
" އަހަރެން އިމްޕްރެސް ކުރަންތަ ތި އުޅެނީ؟...".. ލިއަމް ބުމަ އަރުވާލަމުން އަހާލިއެވެ. އޭނާ އަށް ނޭނގޭ އުފާވެރިކަމެއް އިހްސާސް ކުރެވުނެވެ. ނަމަވެސް އެ އިހްސާސްތައްވީ ހަމައެކަނި އެ ހިތުގައެވެ.
" ޔޫ ވިޝް.. އަހަރެން ނޫޅެން ލިއަމް އިމްޕްރެސް ކުރަން.. . އައި ހޭޓް ޔޫ..".. ސާޔާ ހިތްހަމަނުޖެހުނުކަން އަންގާލިއެވެ.
" ޑޯންޓް ޗޭންޖް ޔޯރ ސެލްފް.. ޔޫ ވިލް އޯލްވެސް ބީ މައި ރެޕަންޒެލް... ".. ލިއަަމް އައިސް ސާޔާގެ އިސްތަށިގަނޑުގައި އަތް ހިންގާލިއެވެ. ދެން އެނބުރި އަވަސް ފިޔަވަޅު ތަކެއްގައި އޭނާ ގޮސް އެޕަރޓްމެންޓުން ނުކުތެވެ.
**********************
ބްލޮސޮމް ހޮސްޕިޓަލަށް ވަދެގެން ދިޔަ ރައުލްގެ ނަޒަރު ފަރާތް ފަރާތަށް ދަތުރު ކުރަމުން ދިޔައެވެ. މުޅިން ކަޅު ކުލައިގައި ހުރި އިރު އެ ރީތިކަން އިންތިހާއެވެ. ހޭޒެލް ކަޅީގެ ވިދުން ވެސް މިރޭ ތަންކޮޅެއް ގަދަހެން ހީވެއެވެ. އިސްތަށިގަނޑު ރީތިކޮށް ސްޓައިލް ކޮށްފައި ހުރި އިރު އެ ޝަހުސިއްޔަތުގައި ވަނީ ހަރުދަނާ ކަމެވެ.
" އެކްސްކިއުޒް...".. ރިސެޕްޝަން ކައިރިއަށް ހުއްޓިލަމުން ރައުލް ކުޑަކޮށް މޭޒުގައި އިނގިލިތަކުން ޖަހާލިއެވެ. އޭނާ ފެނުމާއެކު ރިސްޕެޝަނުގައި އިން އަންހެން ކުއްޖާ އިސްތަށިގަނޑު ރަނގަޅު ކޮށްލިއެވެ. ރައުލް ކައިރިއަށް ހިނި އައި ނަމަވެސް އޭނާ އެކަން ފޮރުވާލިއެވެ.
" ޑރ ވިޝާލް އަށް އެޕޮއިންޓްމެންޓެއް ލިބިދާނެތަ؟...".. ރައުލް އަހާލިއެވެ.
" ސޮރީ.. ޑރ ވިޝާލް އެއް ނޫޅުއްވާ އެނގޭތޯ.. ޑޫ ޔޫ މީން ޑރ ވިވިޔަޝް؟.. ".. އެ އަންހެން ކުއްޖާ ކޮމްޕިއުޓަރުން ނަޒަރު ވަކި ކޮށްލަމުން ބުނެލީ ކުޑަ ހިނިތުންވުމަކާއި އެކުގައެވެ.
" އަރ ޔޫ ޝުއަރ؟.. އަމް.. އަދި ޗެކް ކޮށްލަބަ.. މި ހޮސްޕިޓަލްގަ ވިޝާލް ކިޔާ ޑރ އެއް ވަރކް ކުރިތަ؟. އެނީ ރެކޯރޑްސް؟.. ".. ރައުލް ނިތަށް ގިނަވި ރޫތަކާއި އެކު އަހާލީ އަދިވެސް ޔަޤީން ކުރުމަށެވެ.
" ލައްބަ.. އައިމް ވެރީ ޝުއަރ.. މޭބީ އިޓްސް އެ މިސްޓޭކް.. ތި ނަން ކިޔާ ޑޮކްޓަރ އެއް މި ހޮސްޕިޓަލް ގަ ވަރކް ކޮށްފަ ނުވޭ...".. ރައުލް އަށް ޖަވާބު ލިބުމާއެކު ޝުކުރު އަދާ ކޮށްފައި ހިނގައިގަތެވެ. އޭނާ ހޮސްޕިޓަލުގެ ދޮރުމަތީގައި މަޑުކޮށްލުމަށްފަހު ޖީބުގައި އޮތް ފޯނު ނަގާ ނަންބަރަކަށް ގުޅާލިއެވެ.
= ނުނިމޭ =
ޥ ވ ވ ވ ރީތި އަދިވެސް ކުރޭ
ހޫމް.ވަރަށް ރީތި
ވާއު ލަވް ދިސް❤
ދިގުކުރައްޖޭ
ވ ވވވވރިތި